![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Tmerr dhe panik. Nga zjarri i fuqishëm që ka rënë në kompleksin turistik në Velipojë mësohet se 4 persona janë në gjendje të rëndë, 20 të plagosur dhe ka dyshime për viktima.
Dyshimet janë se brenda hotelit mund të ketë të tjerë njerëz. Pronari i hotelit mësohet se është nisur për në Tiranë, për të marrë ndihmë mjekësore.
Zjarri ka rënë kur shumica prej njerëzve që ndodheshin në hotel ishin në gjumë.
Nga pamjet tmerruese të siguruara nga JOQ duket se si një prej të plagosurve është shtrirë në tokë.
NGJARJA
Një resorti turistik është përfshirë nga flakët ditën e sotme në Velipojë. Turistët ishin në gjumë në momentin kur raportohet të ketë ndodhur një shpërthim i madh zjarri. “BalkanWeb” mëson se forcat e zjarrfikëses janë nisur menjëherë në vendngjarje.
Ngjarja ka ndodhur në kompleksin “Fishta”, në Velipojë. Flakët kanë përfshirë një pjesë të konsiderueshme të resortit turistik, dhe si shkak kryesor mendohet të jetë shpërthimi i një bombole gazi.